Оглас за проектен кординатор (Еко Арт)

Студентски Парламент на Факултетот за Информатички науки и Компјутерско инженерство – Скопје (СПФИНКИ – Скопје) е здружение формирано со слободно здружување на студенти и граѓани, независно од нивната национална, верска, полова припадност и заради остварување и вршење на активности со цел застапување на заеднички интереси и влијание на јавноста и јавното мислење. Мисијата ни е подобар студентски стандард, а целта ни е студентите и граѓаните да бидат обединети и заеднички да се изборат за правата кои им следуваат. Покрај обезбедување на подобри услови за студирање на факултетот, студентите како млади интелектуалци треба да се залагаат и за усовршување, како на своето образование, така и на образовниот процес.

Согласно потребите на организацијата, СП ФИНКИ објавува оглас за проширување на својот тим односно ангажирање на:

ПРОЕКТЕН КОРДИНАТОР

Кои ќе бидат одговорностите на проектниот координатор?

1. Планирање и координација: Подготовка на проектни планови, организирање и имплементација на проектни активности, следење и управување со проектни активности.

2. Управување со ресурси: Организација на проектните ресурси (финансиски, технички, човечки), контрола на буџетот и следење на трошоците

3. Комуникација: Одржување на добра комуникација со вкучените страни, обезбедување редовна комуникација и пренос на информации, како и навремено информирање за напредокот на проектот.

4. Управување со ризици: Идентификација и намалување на ризици со превентивни мерки.

5. Контрола на квалитет: Следење на квалитетот на проектните активности и осигурување дека сите активности на проектот се во согласност со барањата за квалитет и стандарди.

6. Поддршка на тимот: Менаџирање на проектниот асистент, поттикнувајќи тимска работа и ефикасност.

Во рамки на своите задолженија, кандидатот се очекува проактивно да презема лидерска улога во обезбедување на континуирана менторска поддршка на проектните асистенти и организирање на процеси на пренесување на организациско и проектно знаење.

Кои се потребните вештини и квалификации?

• Најмалку две (2) години искуство во управување со проекти, по можност во образование и/или невладини организации.

• Познавање на областа Образование, односно добро разбирање на образовните политики, прашања, и трендови, со посебен фокус на предизвици во образованието.

• Способност за планирање и координација на активности, следење рокови, и управување со ресурси.

• Искуство во работа со институции или работа на сродни тематики.

• Искуство во подготовка на концепти, идеи за проекти и проектни активности.

• Одлични вештини за комуникација и презентација на идеи, како во пишана така и во усна форма.

• Способност за анализа на податоци, проценка на влијанието и евалуација на активности.

• Искуство и знаење во користење дигитални алатки како што се Microsoft Office, Google Drive, Mentimetter и Microsoft Teams.

• Способност за работа во мултидисциплинарен тим и воспоставување позитивни релации со сите засегнати страни..

• Одлично познавање на англискиот јазик.

• Искуството во координирање на консултантски тимови во дигитална (онлајн) средина ќе се смета за предност.